Articles

🙏🙏 குருவே சரணம் நற்பவி 🙏🙏 🌷 இறையாய் இரு  சித்தர்களின் வெற்றிக்கு காரணமாக இருந்தது அவர்களின் அண்டத்தில் உள்ளதே பிண்டத்திலும் எனும் கொள்கைதான்.அவர்கள் யோகத்தில் உயர்நிலையை அடைய தேவையான அத்தனை ரகசியங்களையும் இறைவன் நம்மை சுற்றிலும் நம் கண்ணில் படும்படியாக வைத்துள்ளான் என்பதை நம்பினார்கள்.உணர்ந்தார்கள். வெற்றி பெற தேவையான அனைத்தையும் பெற்றுக்கொண்டார்கள்.வெற்றியும் பெற்றார்கள். உதாரணமாக நம் ஜென்மங்கள்தோறும் நம்மை தொடர்ந்து வரும் எந்தமாதிரியான தோஷங்களையும் விலக்கிக்கொள்வதற்கான ரகசியங்களை தேடியபோது அதை ஒரு இடத்தில் கண்டனர்.அதை உற்று நோக்கியபோது அதில் ஒளிந்துள்ள ரகசியம் அனைத்துவித தோஷ பாவ சாபங்களில் இருந்து நம்மை விடுவிக்கிறது என்பதை உணர்ந்தனர்.உணர்ந்து அதை செயல்படுத்தவும் செய்தனர்.செயல்படுத்து வெற்றியும் பெற்றனர்.வெற்றி பெற்ற பின்னர்  அதை நமக்கு பின்னால் வரும் சந்ததியினர் நல்வாழ்வு வாழ வேண்டும் என விரும்பி தான் இதில் இருந்து எந்த ரகசியத்தை உணர்ந்தார்களோ அதை நமக்கு பின்னால் வரும் நம் சந்ததிகளும் உணரக்கூடிய வகையில் சூட்சுமமாக அதை அதில் அடக்கியும் வைத்தார்கள். அப்படி எதை உணர்ந்தார்கள்.? காகம். இந்த பறவையில் தான் எத்தனை ரகசியங்கள் ஒளிந்துள்ளன. காகம் என்றால் கா அகம் என்பதன் சேர்க்கையாகும்.கா என்றால் காத்தல் என்பதாகும்.எதை காக்க வேண்டும் என்றால் அகத்தை அதாவது அகத்தே உள்ள ஆன்மாவை காக்க வேண்டும்.காக்க வேண்டும் என்றால் அதை அசுத்தங்களில் இருந்து காக்க வேண்டும்.அசுத்தங்களை நீக்கி காக்க வேண்டும் என்பது தான்.அப்படியானால் அகத்தே உள்ள ஆன்மாவாகிய இறைவனை சுத்தம் செய்து காப்பது என்று பொருளாகும். அந்த காகம் எழுப்பும் ஒலிக்கு நம் முன்னோர்கள் கரைதல் என்று பெயர் சூட்டியுள்ளனர்.காகம் ஒளி எழுப்பும்போது கவனித்திருக்கிறீர்களா காகா என ஒலி எழுப்பும்போது தன்னுடைய பிட்டப்பகுதியை உள்ளே இழுத்துஇழுத்து தான் ஒலியை எழுப்பும்.நன்றாக கவனித்து பார்த்தால் இந்த உண்மை புரியும்.எப்போதெல்லாம் குதத்தை சுருக்கி அஸ்வினி முத்திரை நடக்கிறதோ அப்போதெல்லாம் நம்முள்ளே உள்ள இறைசக்தி ஊட்டம் பெறும்.அவ்வாறு நமக்குள்ளே இருக்கும் இறைசக்தி ஊட்டம் பெறும்போதெல்லாம் நம்முடைய சாப தோஷங்களை விலக்கிக்கொள்ள ஏதுவான நேரம் ஆகும்.அந்த காகம் எழுப்பும் ஒலியானது கண்டப்பகுதியில் இருந்து அழுத்தமாக புறப்படும்.கண்டம் என்பது நம் உடலில் அண்டம் எனும் தலைப்பகுதியையும் பிண்டம் எனப்படும் உடல் பகுதியையும் இணைக்கும் இடமாகும்.சிவனார் ஆலகால விஷம் நின்று அழிக்கப்பட்ட இடமாகும்.அந்த இடத்தில் நின்ற ஆலகால விஷம் அதனுடைய விஷத்தன்மையை இழந்துவிட்டது,அப்படிப்பட்ட சிறப்புமிக்க இடத்தில் இருந்து அழுத்தம் கொடுத்த வண்ணம் காகமானது சத்தத்தை எழுப்புகிறது.அந்த சத்தமானது எப்பேர்ப்பட்ட தோஷங்களையும் விலக்கி தரவல்லது ஆகும்.தொண்டையில் உள்ளே சற்று அழுத்தத்துடன் கரகரத்த நிலையில் கொடுக்கப்படும் சத்தத்திற்கு திரிசங்கம் என்று பெயர்.அந்த சத்தத்தினோடு குத்தப்பகுதி சுருக்கிய நிலையில் அஸ்வினி முத்திரையும் வைத்துக்கொள்ள நீங்காத பிறவிதோஷமும் நீங்கிவிடும் என்பது தான் ரகசியமே. இதை எப்போது சித்தர் பெருமக்கள் உணர்த்தார்களோ அப்போதே தான் உணர்ந்த ரகசியத்தை உணர்ந்த இடத்திற்கு சூட்சுமமாக பெயராக வைத்துவிட்டு சென்றுவிட்டனர்.நாம் தான் அது தெரியாமல் இருக்கும் இடத்தை விட்டு இல்லாத இடம் தேடி அலைந்துகொண்டே இருக்கிறோம். ஒன்றை புரிந்து கொள்ளுங்கள்.நாம் பிறந்த போதே நம் கடைசிக்காலம் தீர்மானிக்கப்பட்டுவிட்டது.அது வரை நீங்கள் என்னவெல்லாம் சந்திக்க உள்ளீர்களோ அதற்கான தீர்வை சாவியையும் சேர்த்தே தான் இறைவன் படைக்கிறான்.உங்கள் பிறவிக்கான அனைத்தையும் ஒரு பேக்கேஜாக படைத்தது விட்டான்.உணர்ந்தவர்கள் பிறவிப்பேறு அடைகிறார்கள்.புரியாதவர்கள் பிறவி எடுத்து உழல்கிறார்கள். உங்கள் பிறவியை அர்த்தமுள்ளதாக மாற்றிக்கொள்ள முதலில் படைத்தவனை பெருமையை உணருங்கள்.அவன் படைத்த படைப்புகளை ரசிக்க பழகுங்கள்.அந்த ரசனைதான் அனைத்து ரகசியங்களையும் உங்களுக்கு உணர்த்திக்கொடுக்கும். நற்பவி நற்பவி நற்பவி அன்புடன் போகர் சித்தாந்தசபை பழனி 9488008816

குருவே சரணம்   🌷 ஹரி நமோஸ்து சித்தம்.   என்ன இது புதுவிதமான வார்த்தையாக இருக்கிறதே என்று தோன்றுகிறதா ? ஆம் உண்மைதான் தற்போது இது புதுவிதமான வார்த்தைதான்.ஆனால் சுமார் ஐயாயிரம் ஆண்டுகளுக்கு முன்னால் அதாவது ரிக்கு வேத காலத்தில் குருகுல கல்விகளில் பயன்பாட்டில் இருந்த வார்த்தையாகும். சில காலத்திற்கு முன்புவரை குருகுல கல்விகளில் கல்வி ஆரம்பிக்கும் முன்பாக குருவணக்கம் என்றோ அல்லது சித்தர் வணக்கம் என்றோ சொல்லித்தான் ஆரம்பிப்பார்கள்.ஆனால் வேத காலத்தில் ஹரி நமோஸ்து சித்தம் என்று சொல்லிவிட்டுத்தான் கல்வியை தொடங்குவார்களாம்.அதாவது நமக்கும் ஞானத்தை போதிக்கும் குருமார்களை ஆத்மார்த்தமாக வணங்கும் விதமாக இந்த வார்த்தையை சொல்லிவிட்டு தான் தொடங்குவார்களாம். குரு வணக்கம் என்பது தவிர்க்க முடியாத ஒன்றாகும்.ஏனெனில் குருவே நமக்கு எல்லாவிதத்திலும் வழிகாட்டுபவர்.அவரை வணங்காது எதுவுமே  நடக்காது.தன்னுடைய குருமார்களை மனதில் நினைத்துக்கொண்டு அல்லது அவருடைய உருவத்தை தூரிகையால் தீட்டி வைத்துக்கொண்டோ அவரின் படத்திற்கு முன்னால் அமர்ந்து கொண்டு ஒரே ஒரு தீபம் ஏற்றிவைத்துக்கொண்டு ஒரு செப்பு காசு வைத்துக்கொண்டு ஜெபத்தில் இருப்பார்களாம்.நல்ல சீடர்கள் தம்முடைய குருவை மானசீகமாக மரியாதை செய்தார்கள் வெற்றியும் பெற்றார்கள். குருவை வணங்கும் முறை. எந்த ஒரு சித்தரை உங்களுக்கு பிடிக்குமோ அந்த சித்தரின் படத்தை வீட்டில் கிழக்கு பார்த்தவாறு வைத்துக்கொள்ள வேண்டும்.பின்னர் அந்த சித்தரின் படத்திற்கு முன்னால் தீபம் ஒன்றை வடக்கு பார்த்தவாறு வைத்துக்கொள்ள வேண்டும்.அந்த படத்திற்கு முன்னால் ஒரு செப்பு காசு ஒன்று வைத்துக்கொள்ள வேண்டும்.பின்னர் நீங்களும் அந்த படத்திற்கு முன்னால் வடக்கு பார்த்தவாறு அமர்ந்து கொள்ள வேண்டும்.படத்திற்கு முன்னால் செப்பு காசு தவிர வேறு எதுவும் வைக்கவேண்டாம்.பின்னர் ஹரி நமோஸ்து சித்தம் என்ற வார்த்தையை சுமார் இருபத்தியேழு முறை சொல்லிவிட்டு பின்னர் கீழ்கண்ட மந்திரத்தை அரைமணி நேரம் வரை சொல்லுங்கள் ஓம் கிங் ரங் அங் சிங் ஓம் ஒரு முக்கியமான விஷயம் என்னவென்றால் எவ்வித பிரார்த்தனையும் வைக்க கூடாது.எவ்வித நிர்பந்தமும் இருக்க கூடாது.உள்ளம் தூய்மையாக இருத்தல் வேண்டும்.ஆத்ம சுத்தியுடன் பணிவுடனும் நம்பிக்கையுடனும் மட்டுமே சொல்ல வேண்டும்.வேண்டுதலுக்கு பணிய மாட்டார்கள்.ஆத்ம சுத்திக்கும் பணிவுக்கும் மட்டுமே அவர்கள் அசைவார்கள்.அவர்கள் நம்மை வழிநடத்துவார்.அவர்களுக்கு பிடித்ததை வைக்கலாம் என்றோ வேண்டுதல் வைக்கலாம் என்றோ நினைத்தால் தோற்றுவிடுவீர்கள்.கவனம். ஹரி நமோஸ்து சித்தம்  நல்லதே நடக்கும்.  அன்புடன் Dr போகர் வசீகரன்  போகர் சித்தாந்தசபை பழனி

குருவே சரணம்   *பஞ்சாட்சர பிரயோக ரகசியம்*   மண்டலம் ஐந்து வரைகளுள் ஈர் ஆறு கொண்டிட நிற்கும் குடிகளும் ஆறு எண்மர் கண்டிட நிற்கும் கருத்து நடுவாக  உண்டு நிலாவிடும் ஓடும் பதத்தையே                                             ----- திருமூலர்    நமது உடலில் குடியிருக்கும் பரம்பொருளை ஆதாவது இறைவனை அருட்பெரும் ஜோதியை ஏகஜோதி இறைவனை ஆத்மாவை யார் யாரெல்லாம் காவல் காக்கிறார்கள் என்பதை திருமூலர் மேலே உள்ள பாடலில் பட்டியல் இடுகிறார். அதாவது நம் உடலில் உள்ள இறைவனை ஐந்து வகையான மண்டலங்களும் பனிரெண்டு காவல்களும் காத்து வருகின்றன எனவும் நமக்குள் ஆறுவகையான குடிகள் இருப்பதாகவும் எட்டு வகையான கன்னியர் அதை கண்காணிப்பதாகவும் சொல்கிறார். ஐந்து மண்டலங்கள் என்பது பஞ்ச பூதங்களான நிலம் நீர் நெருப்பு காற்று ஆகாயம் ஆகும். பனிரெண்டு காவல் என்பது இந்திரன் அங்கி வருணன் வாயு குபேரன் ஆதித்தன் சந்திரன் எமன் என அட்டதிக்கு பாலகர்களோடு கணபதி குமரன் வயிரவன் துர்க்கை என நால்வரும் சேர்ந்து மொத்தம் பனிரெண்டு பேர் காவல் காப்பதாக சொல்கிறார். ஆறுகுடிகள் என்பது மெய் வாய் மூக்கு செவி கண் மனம் என்பவற்றை ஆறு குடிகளாக இங்கே குறிப்பிடுகிறார். நம் உடலை கண்காணிக்கும் எட்டு கன்னியர்களாக அனந்தகுசுமை அங்கமேகலை அனங்கமதனை அங்கமதனா அனங்கரேகை அங்கவேகினி  அனங்ககுசை அங்கமாலினி என்போரை குறிப்பிடுகிறார். மேலும் பஞ்சாட்சர எழுத்துக்கள் நம் உடலில் ஐம்பத்தியொரு இடங்களில் நின்று செயல்படுவதாக சொல்கிறார்.அந்த இடங்கள் எது தெரியுமா.? திருமுடி ,நெற்றி,வலக்கண் இடக்கண் வலது காது இடது காது வலது நாசி இடது நாசி வலது கன்னம் இடது கன்னம் மேலுதடு கீழ் உதடு மேல்பல்வரிசை கீழ்ப்பல் வரிசை தாடை உச்சந்தலை வலக்கை இடக்கை வலது திருவடி இடது திருவடி வலது விலா இடது விலா குலை நடு வயிறு கீழ் வயிறு வித்து மூலாதாரம் குதம் தொண்டைக்குழி இடது மார்பு வலது மார்பு சகஸ்ராரம் ஆக்கினை விசுத்தி அனாகதம் மணிப்பூரகம் ஸ்வாதிஷ்டானம் தொடை முழங்கால் கணுக்கால் இதயம் நாக்கு முதுகுத்தண்டு மூளை சிறுநீர்ப்பை இடுப்புகூடு ஈரல் மண்டையோடு இடது கை விரல்கள் வலது கை விரல்கள் என ஐம்பத்தியொரு இடங்களில் ஆட்சி செய்கிறது என சொல்கிறார். அந்தந்த இடத்திற்கான பஞ்சாட்சர எழுத்துடன் சக்தி பீஜத்தை சேர்த்து உச்சரிக்க அந்த இடமும் அதனோடு தொடர்புடைய மற்ற பாகங்களும் ஆரோக்கியம் பெரும் இறைவனின் அருள் கிடைக்கும்  என சொல்கிறார்.இதனை குருமுகமாக உணர்வதே என்றும் சிறப்பு. மேற்சொன்ன உண்மைகளை முறையாக அறிந்து பஞ்சாட்சர மந்திரம் பிரயோகம் செய்தால் அனைத்தும் சித்திக்கும் இறைவன் அருளும் கிடைக்கும் என்கிறார்.. நல்லதே நடக்கும் அன்புடன் Dr போகர் வசீகரன் போகர் சித்தாந்தசபை பழனி 9488008816     

குருவே சரணம்   🌷 ஆசிரம தர்மங்கள்    சித்தர்களில் மிக முக்கியமானவரும் குறுமுனி என அழைக்கப்படுபவருமான அகத்தியர் பெருமான் ஆசிரமங்களை ஐந்து வகையாக பிரிக்கிறார்.குருகுல கல்வி முறைகள் நடக்கும் இடங்களாகத்தான் ஆசிரமங்களை நமக்கு தெரியும்.அந்த ஆசிரமங்களை அதனுடைய ஆசானின் தன்மையை பொறுத்து ஐந்து வகைகளாக பிரிக்கலாம் என அகத்தியர் பெருமான் தன்னுடைய அகத்தியர் பரிபூரணம் நூலில் குறிப்பிடுகிறார்.அவைகள் 1 - பிரம்மசாரி ஆசிரமம் 2 - கிரகஸ்த ஆசிரமம்  3 - சந்நியாசி ஆசிரமம் 4 - வனப்பிரஸ்த ஆசிரமம் 5 - அதிவர்னா ஆசிரமம் இவைகள் ஒவ்வொன்றும்  ஒவ்வொரு படிநிலைகளாக கருதப்படுகின்றன.மாணாக்கர்களுக்கு எப்படி படிநிலைகள் வகுக்கப்பட்டதோ அதை போல் ஆசான்களுக்கும் அவர்களின் தகுதியை பொறுத்து படிநிலைகள் வகுக்கப்பட்டிருப்பதையே இது காட்டுகிறது.எப்படி? பிரம்மசரிய ஆசிரமத்தில் உள்ள குருவை பிரம்மாவாகவும் கிரகஸ்த ஆசிரமத்தில் உள்ள குருவை விஷ்ணுவாகவும் சந்நியாசி ஆசிரமத்தில் உள்ள குருவை ருத்திரனாகவும் வனப்பிரஸ்த ஆசிரமத்தில் உள்ள குருவை மஹேஸ்வரனாகவும் அதிவர்னா ஆசிரமத்தில் உள்ள குருவை சதாசிவனாகவும் குறிப்பிட்டு அவர்களை அந்த அளவிற்கு சீடனானவன் போற்ற வேண்டும் என்றும் குறிப்பிடுகிறார்.இனி ஒவ்வொரு ஆசிரமத்தை சேர்ந்த குருவும் என்னென்ன தகுதியை பெற்றிருந்தார்கள் என பார்ப்போம். பிரம்மசரிய ஆசிரம குருவும் அந்த ஆசிரமவாசிகளும் தலைக்கு எண்ணெய் உபயோகிக்க மாட்டார்களாம்.ஒருவேளை உணவு மட்டுமே உண்பார்களாம்.இயம நியம விதிகளை தவறாது கடைபிடிப்பார்களாம்.அம் கிலி சிம் எனும் மந்திரத்தை எந்த நேரமும் செபித்துக்கொண்டே இருப்பார்களாம்.தன உடலை பிரம்ம சொரூபமாக மாற்றிக்கொள்வார்களாம். கிரகஸ்த ஆசிரம குருவும் ஆசிரமவாசிகளும் மனைவி மக்கள் என குடும்பமாக வாழ்வார்களாம்.ஒழுக்கம் உண்மை நேர்மை பக்தி அன்பு என்ற குணங்களுடன் எந்த உயிருக்கும் தீங்கு நினைக்காமல் கொலை களவு செய்யாமல் வாழ்வார்களாம்.அதோடு ஓம் ரீங் அங் எனும் மந்திரத்தை எப்போதும் செபித்துக்கொண்டே இருப்பார்களாம்.இவர்கள் தான் கிரகஸ்த ஆசிரமவாசிகளாக கருதப்பட்டனர். சந்நியாச ஆசிரம குருவும் ஆசிரமவாசிகளும் தேக சுத்தியுடனும் காவி உடைகள் அணிந்தும் தலையை சுத்தமாக மழித்தும் இருப்பார்களாம்.மேலும் ஹோமங்கள் தர்ப்பணங்கள் செய்து கொண்டும் இருப்பார்களாம்.பிச்சை எடுத்து மட்டுமே உண்பார்களாம்.எந்த நேரமும் ஐயும் கிலியும் சவ்வும் எனும் மந்திரத்தை செபித்துக்கொண்டே இருப்பார்களாம். வனப்பிரஸ்த ஆசிரம குருவும் ஆசிரமவாசிகளும் காடுகளில் வாழ்ந்துகொண்டும் இயற்கை பாதிப்புகள் தம்மை பாதிக்காவண்ணம் வாழ்ந்துகொண்டும் கனிகள் கிழங்குகள் போன்றவற்றை மட்டுமே  உண்டு கொண்டும் வாழ்ந்து வருவார்களாம்.எந்த நேரமும் பஞ்சாக்கினியின் நடுவில் யோக நிஷ்டையில் இருந்துகொண்டு இருப்பார்களாம்.தன்னுடைய குருவினை போற்றி வணங்கி பின்னர் ஓம் அம் சிவ வசி எனும் மந்திரத்தை ஆயிரத்தெட்டு உரு சொல்லிக்கொண்டே இருப்பார்களாம். அதிவர்னா ஆசிரமத்தை சேர்ந்தவர்கள் மேற்சொன்ன நான்கு நிலைகளையும் கடந்தவர்களாக இருப்பார்களாம்.மேலும் சுக துக்கங்களை கடந்து இன்ப துன்பங்களை கடந்து இக வாழ்வியல் சூழலான உணர்வுகள் நினைவுகள் பாசங்கள் அனைத்தையும் கடந்து வெளிப்புற சிந்தனை மறந்து உள்முக சிந்தனையிலேயே திளைத்து இருப்பார்களாம்.எப்போதும் சமாதி நிலையிலேயே இருப்பார்களாம்.இறைத்தன்மையை உணர்ந்தும் இறையோடு கலந்தும் இருப்பார்களாம்.  இதுதான் அன்றைய காலகட்டத்தில் புழக்கத்தில் இருந்த குருமார்களின் ஆசிரம குணாதிசயங்கள் என அகத்தியர் பெருமான் தன்னுடை அகத்தியர் பரிபூரணம் எனும் நூலில் குறிப்பிடுகிறார்.   நன்றி அன்புடன் Dr போகர் வசீகரன் போகர் சித்தாந்தசபை பழனி 9488008816

குருவே சரணம்   அனந்தசயனம் எனும் யோக நித்திரை   பெருமாள் ஆலயங்களில் பெருமாள் பாம்பு படுக்கையில் சயனித்திருப்பார்.வலது பக்கமாக ஒருக்களித்து படுத்துக்கொண்டு வலது கையை தலைக்கடியில் வைத்துக்கொண்டு பாதி கண்கள் மூடிய நிலையில் சயனத்தில் இருப்பதை போன்று சிலை வடித்திருப்பார்கள்.இது தான் அனந்த சயனம் எனும் யோக நித்திரை ஆகும்.எப்படி என்றால்....   புனிதமாய் உறங்கவென்றால் வலக்கை மேலே பூட்டாக கால் நீட்டி பூரணத்தை நோக்கி அனிதமாய் கேசரத்தில் மனதை வைத்து அப்பனே லலாடத்தே தூங்கவேணும் மனிதனாய் பிறந்தாக்கால் சாகாக்கல்வி வாசிக்குள் சிவமோடு வாழ்க்கை சேர்வான் செனிதமாம் சண்டாள பிறவியோர்கள் சித்திறந்து செனிப்பார்கள் செகத்தினில்தானே   அதாவது வலது கையின் மேல் தலை வைத்து வலதுபுறமாக ஒருக்களித்து கால்களை நீட்டி படுத்துக்கொண்டு கண்களை பாதி மூடி கேசரி முத்திரை வைத்துக்கொண்டு உள்ளே இழுக்கும் சுவாசத்தை அதாவது பூரிக்கும் சுவாசத்தை நன்றாக நீட்டி உள்ளே இழுத்து புருவ மத்தி என சொல்லப்படும் லலாட ஸ்தானத்தில் கண்களை நிலை நிறுத்தி தூங்கவேண்டும்.இதுவே யோக நித்திரை ஆகும்.இறைவனின் திருவடிகளை சென்று அடைய துணை செய்யும் எனவும் மரணத்தை தள்ளும் உபாயம் உள்ளது எனவும் அகத்தியர் பெருமான் சொல்கிறார். மேலும் மனிதனாக பிறந்த அனைவருமே சித்தர்கள் அருளிய சாகா கல்வி ரகசியத்தை கற்க வேண்டும் எனவும் அப்படி கல்லாதவர்கள் மீண்டும் மீண்டும் மனித பிறவி எடுத்து மண்ணில் உழல்வார்கள் எனவும் சொல்கிறார். வலது கையை தலைக்கு வைத்துக்கொண்டு வலதுபுறமாக ஒருக்களித்து படுத்துக்கொண்டு கால்களை நீட்டியவாறு படுக்க வேண்டும்.பின்னர் புருவ மத்தியை நோக்கியவாறு கண்களை மேல்நோக்கி நிறுத்தவேண்டும்.உள்ளிழுக்கும் சுவாசத்தை மிக மெதுவாக இழுக்கவேண்டும்.வெளிவிடும்போதும் மிக மெதுவாக வெளிவிட வேண்டும்.இந்த நேரத்தில் கவனம் புருவ மத்தியில் மட்டுமே இருக்க வேண்டும்.இவ்வாறு  குறைந்த பட்சம் முப்பது நிமிடங்களாவது செய்துவிட்டு பின்னர் தூங்குவது என்பது பெருமாளின் அனந்த சயனம் போன்றது.நிம்மதியான தூக்கம் ஆரோக்கியமான தூக்கம் என்கிறார். பராசக்தியின் அருளை பெறவைக்கும் யோக  தூக்கம் எனவும் சொல்கிறார். நன்றி நல்லதே நடக்கும் அன்புடன் Dr போகர் வசீகரன் போகர் சித்தாந்தசபை பழனி 9488008816

குருவே சரணம்   அல்லல்போம் வல்வினைபோம் அன்னை வயிற்றில் பிறந்த தொல்லைபோம் போகா துயரம் போம் நல்லகுண மதிகமாமருணை கோபுரத்  தூண்மேவும் கணபதியை கைதொழுதக்கால்.   இந்த பாடல் சொல்லும் விளக்கம் எப்படிப்பட்ட துன்பமும் போகும்.எப்படிப்பட்ட வினைப்பயனும் விலகும்.எப்படிப்பட்ட தொல்லைகளும் போகும்.போகவே போகாது எனும் துயரங்கள் கூட போய்விடும்.எப்போது தெரியுமா.? நல்ல குணம் அதிகமாக உள்ள ஒருவரை கைதொழுது வணங்கும்போது அவர் யார் தெரியுமா.? இது தான் யோகம் சொல்லும் ரகசியம் ஆகும்.நல்ல குணம் அதிகமாக உள்ள ஒருவரை அதாவது ஒரு இடத்தை இங்கே குறிப்பிடுகிறார்கள். அந்த இடத்திற்கு நல்ல குணங்களாகிய அருளை வழங்கும் ஆற்றலை வழங்கும் அரவணைப்பை வழங்கும் மரணமில்லா பெருவாழ்வை வழங்கும் ஆரோக்கியத்தை வழங்கும் குணம் மிக அதிகமாக இருக்கும்.அது எந்த இடம் தெரியுமா.? அருணை கோபுரத்தூண் மேவும் அதாவது அருணை கோபுரம் என்றால் அனைவரும் திருவண்ணாமலையில்  உள்ள கோபுரத்தையே நினைப்பார்கள்.ஆனால் அருணன் என்றால் சூரியன் என்பது அர்த்தம் இங்கே சூரியன் என்றால் வலது கண் பகுதியாகும்.இடது கண் பகுதி சந்திரனாகவும் வலது கண் பகுதி சூரியனாகவும் குறிப்பிடுவார்கள். அருணை கோபுரத்தூண் மேவும் என்றால் வலது கண் பகுதிக்கு நேராக கோ என்றால் தலைவன் என்றும் புரம் என்றால் இடம்  என்றும் அர்த்தம் தூண் என்றால் இங்கே முதுகு தண்டை குறிப்பிடுகிறார்கள்.அதாவது வலது கண் பகுதி நேராக முதுகுத்தண்டுக்கு மேல் இருக்கும் கணபதியை அதாவது கணங்களின் பதியை இருப்பிடத்தை கை தொழு என்றால் வணங்கு என்கிறார்கள்.எப்படி வணங்க வேண்டும் என்றால் காலால் அதாவது கால் என்றால் காற்று என்பது அர்த்தம் ஆகும்.கணங்கள் என்றால் எழுபத்தீராயிரம் நாடிகளை கணங்கள் என்று சொல்கிறார்கள்.இந்த உடலில் அங்குமிங்குமாய் ஓடிக்கொண்டு இருக்கும் நாடிகள் அனைத்துமே ஒன்றாக தொடர்பில் உள்ள இடம் கண்கள் மட்டுமே அதனால் தான் கணங்களுக்கு அது பதியாக குறிப்பிடப்படுகிறது. முதுகு தண்டுக்கு மேலே மொத்த கணங்களும் கூடும் பதியாகிய வலது கண் பகுதியை காற்றினால் அதாவது மூச்சுப்பயிற்சியினால் வழிபடும் திறன் பெற்றோருக்கு தீராத துன்பங்கள் துயரங்கள் வினைகள் அனைத்தும் தீரும் என்றும் மரணத்தை வெல்லும் ரகசியம் உணரமுடியும் இறைவனின் அருளை பெற முடியும் எனவும் இந்த அப்பாடல் சொல்கிறது.வலது கண் பகுதியில் தான் புருடன் எனும் நாடி உள்ளது.நாடிகளில் உத்தமமானதாக புருட நாடியே கருதப்படுகிறது.அதனால்தான் கண்ணனுக்கு கீதையில் புருஷோத்தமன் எனும் பெயரும் உண்டு.அதாவது புருட உத்தமன். அதாவது புருட நாடி இருக்கும் இடமான வலது கண் பகுதியை முறையான சுவாசப்பயிற்சியின் மூலம் உபயோகிக்க இறைவனின் திருவடியை அடையலாம்.பிறவியறுக்கலாம்.அதுவே புருஷோத்தம யோகம் ஆகும். நல்லதே நடக்கும் அன்புடன் Dr  போகர் வசீகரன் போகர் சித்தாந்தசபை பழனி. 9488008816

குருவே சரணம்.   கீதை சொல்லும் மூவகை தவம்   பகவத் கீதை தவம் செய்வதை மூன்று வகையாக பிரித்து கூறுகிறது.ராஜஸ தவம்,தாமச தவம்,சாத்வீக தவம் என மூன்று பிரிவாக பிரித்து கூறுகிறது. பிறர் நம்மை தவத்தில் இவன் இன்ன நிலையை அடைந்துவிட்டான் என்றும் இவன் மிகச்சிறந்த யோகி என்றும் இவன் மிகவும் சக்தி வாய்ந்தவன் என்றும் பிறர் புகழ மிகவும் ஆடம்பரமான மனநிலையுடன் செய்வது ராஜஸ தவம் என சொல்கிறது.இது உறுதி இல்லாதது என்றும் இதனால் மேல்நிலையை அடைய முடியாது எனவும் சொல்கிறது.தாற்காலிகமானதும் கூட. மேல்நிலையை அடையவேண்டும் என்பதற்காக முட்டாள்தனமாக தன்னை வருத்தியோ அல்லது பிறரை துன்புறுத்தியோ அல்லது பிறர்மீது பொறாமை கொண்டோ அல்லது பிறர் அழிய வேண்டும் என்ற சிந்தையிலோ செய்வது தாமச தவமாக சொல்கிறது.இதுவும் வீணானது.நம்மை மேல்நிலைக்கு அழைத்து செல்லாது எனவும் சொல்கிறது கீதை. சாத்வீக தவமானது உடம்பை வருத்தாமல் பலனை விரும்பாமல் ஆழ்ந்த சிரத்தையுடன் யோகத்தில் நிலை பெற்று இருத்தலை குறிக்கிறது.இந்த வகை தவமே மனிதனை இறைநெறியில் செலுத்தி இறைவனை சென்று அடைய துணை செய்கிறது.உண்மையான ஆன்ம தரிசன பாதையில் செல்ல துணை செய்கிறது.இதை தவிர வேறு எவ்வகை தவங்களாலும் இறைவனை அடைய முடியாது.இதுதான் கீதை சொல்வதும் கட உபநிஷத்து சொல்வதும் ஆகும். நன்றி அன்புடன் Dr போகர் வசீகரன் போகர் சித்தாந்தசபை பழனி 9488008816  

குருவே சரணம்.   மஹா சிவராத்திரியின் சிறப்பு   லூமினிபெரஸ் ஈத்தர் ( Luminiferous Eather ) எனப்படும் ஒரு  பிரம்மாண்ட பிரபஞ்ச சக்தி மகா சிவராத்திரி அன்று மட்டுமே ராக்கெட் வேகத்தில் ஸ்பிரிங் என்ற தன்மையில் பூமியை நேரடியாக வந்து இறங்கும். இந்த நேரத்தில் முதுகை நேராக வைத்து  தூங்காமல் இருந்தால் அபரிமிதமான சக்தி கிடைக்கும். இதனால் பல நன்மைகள் உண்டு. இந்த சக்தி வேறு எந்த நாளும் கிடைக்காது.  எனவேதான் மகாசிவராத்திரியன்று தூங்காமல் விழித்திருக்க வேண்டும் என்று கூறுகிறார்கள். ஈத்தர் எனப்படும் சக்தி தான் இந்த உலகத்தை இயக்குகிறது. இந்த ஈத்தர் உலகம் முழுவதும், அண்டவெளி முழுவதும் நிறைந்து இருக்கிறது. மேலும் பூமியை நோக்கி ஒவ்வொரு வினாடியும் வந்துகொண்டே இருக்கிறது. பூமி சூரியனை நீள்வட்ட பாதையில் சுற்றி வருகிறது. இதில் இரண்டு நீள்வட்ட பாதையில் உள்ளது. ஓன்று சிறிய நீள்வட்டப் பாதை, மற்றொன்று பெரிய நீள்வட்டப் பாதை. பூமி பெரிய நீள்வட்டப்பாதையில் இருந்து சிறிய நீள்வட்ட பாதிக்கும் மாறும் நேரம் தான் இந்த மகா சிவராத்திரி நேரம்.  மேலும் ஈத்தர் என்ற சக்தி எப்பொழுதும் பூமியை நோக்கி வந்து கொண்டே இருக்கிறது. வருடத்தில் ஒவ்வொரு மாதமும் சிவராத்திரி வரும். ஒவ்வொரு மாதமும் வரும் சிவராத்திரியில் ஈத்தர் சக்தி சற்று அதிகமாக இருக்கும். ஆனால் வருடத்தில் ஒருமுறை வரும் மாசி மாத சிவராத்திரி மட்டும் அபரிமிதமாக, அளவுக்கு அதிகமாக சக்தி இருக்கும். இதற்கு நிகர் வேறு எந்த மதமும் இருப்பதில்லை. எனவேதான் இந்த சிவராத்திரியை மகா சிவராத்திரி என்று அழைக்கிறார்கள்.  ஈத்தர் சக்தி இரண்டு விதமான தன்மைகளில் பூமியை நோக்கி வரும் ஒன்று ஸ்பிரிங் (SPRING ) , இரண்டு ஃபால் ( FALL ). இதில் ஸ்பிரிங்க்கு சக்தி அதிகம். ஃபால்க்கு சக்தி குறைவு.  மாசி மாசம் மகா சிவராத்திரியில் வரும் ஈத்தர் ஸ்பிரிங் தன்மைகொண்டது. இதற்குத் தான் அதிக சக்தி உண்டு. ஏனென்றால் ஈத்தர் மேற்கிலிருந்து கிழக்கு நோக்கி நகரும், பூமி கிழக்கிலிருந்து மேற்கு நோக்கி சுற்றிக்கொண்டிருக்கும். எனவே நேரடியாக முழு சக்தியை இந்த மகாசிவராத்திரியில் மட்டுமே கிடைக்கும். புரியும்படி சொல்ல வேண்டுமென்றால், ஈத்தர் 24 மணி நேரமும் பூமியை நோக்கி சைக்கிள் வேகத்தில் வரும். ஒவ்வொரு மாதமும் வரும் சிவராத்திரியில் புல்லட் வேகத்தில் வரும். மாசி மாசம் மட்டும் ராக்கெட்டில் வேகத்தில் வரும். மகா சிவராத்திரி அன்று  பூமி, நிலா, சூரியன் ஆகிய மூன்றும் ஒரே நேர்கோட்டில் இருக்கும் என்பது குறிப்பிடத்தக்கது. இந்தியாவில் நடு இரவு 12 :15 AM முதல் 12: 45 AM வரை உச்சகட்ட ஈத்தர் சக்தி கிடைக்கும் என்று கணக்கிடப்பட்டுள்ளது. எனவே இந்த நேரம் சிறப்பான நேரம். இந்த நேரம் ஒவ்வொரு நாட்டிற்கும் மாறும். இந்த லூமினிபெரஸ் ஈத்தர்" ( Luminiferous Eather ) பல மதங்களில், பல மார்க்கங்களில் இறைவன்,கடவுள், பிரமாண்டம், இறைத்துகள் ஆற்றல், பேரறிவு, பிரபஞ்சம், பரமாத்மா மற்றும் அண்டம் என்றும் பல்வேறு பெயர்களில் அழைக்கிறார்கள். மகாசிவராத்திரி அன்று விரதம் இருந்து, தூங்காமல், முதுகை நேராக வைத்து, விழித்திருந்து தியானம் செய்வது மிக மிக சிறப்பு. ஈதர் உச்சந்தலையில் உள்ள சகஸ்ரார சக்கரத்தின் வழியாக பீனியல் கிளாண்ட் என்ற ஆனந்த சுரப்பி என்ற ஆனந்த மூளையை அடைந்து பலவிதமான நல்ல ஹார்மோன்களை சுரக்கும். இந்த நேரத்தில் நமக்கு நாமே நம்மை ஆசிர்வாதம் ( Self Blessing ) செய்து கொள்ளும் பொழுது இது நமது டி என் ஏ (  DNA ) ல்  கெட்ட பதிவுகளை  ( கர்மா ) அழிக்கும் வல்லமை உள்ளது. மகா சிவராத்திரியில் பகலில் சக்தி கிடைக்காதா? பகலில் சூரிய வெளிச்சம் இருப்பதால் ஈத்தர்  சக்தி சற்று குறைவாக இருக்கும். இரவில் சூரிய வெளிச்சம் இல்லாததால் சக்தி அதிகமாக இருக்கும். இரவு 9 மணிக்குத்தான் மெலடோனின்  ( Melatonin ) என்ற ஒரு திரவம் நமது உடலில்  சுரக்கும். மேலும் காலை 2 மணிக்குத்தான் நாம் பிரபஞ்சத்தோடு மிகவும் நெருக்கமாக இணைந்திருக்கும் நேரம். எனவே இரவு 9 மணி காலை 2 மணி வரை தான் அதிக சக்தி பெறும் நேரம் எனவே இரவில் கண் விழிக்கிறார்கள். மகா சிவராத்திரி ஏன் இந்தியாவில் மட்டும் இருக்கிறது மற்றும் நாடுகளில் இல்லை? நமது நாட்டில் மட்டும்தான் ஆசான்கள் உள்ளதை உள்ளபடி அனைவருக்கும் ஓபனாக சொல்கிறார்கள். பல நாடுகளில் இந்த விஷயத்தை ஆசான்கள் மட்டும் புரிந்து தான் மட்டும் பயிற்சி செய்து சக்தியை எடுத்துக் கொள்கிறார்கள். மேலும் பல நாடுகளில் இதுபோன்ற விஷயங்கள் யாருக்கும் தெரிவதில்லை. இந்த ஈத்தரைத்தான் "ஈசன்" என்று சிலர் அழைக்கிறார்கள். ஈசனை தான் சிவன் என்று அழைக்கிறார்கள். "ஈத்தர் ராத்திரி" என்பது தான் சிவராத்திரி என்று கூறப்படுகிறது. எனவே மகா சிவராத்திரி அன்று விழித்திருப்பது அனைவருக்குமே நல்லது. இப்படி அறிவியல் பூர்வமாக சொன்னால் சிலருக்கு மட்டுமே புரியும் என்பதற்காக,  ஞானிகள் பல கதைகளைச் சொல்லி அனைவரையும் தூங்காமல் விழித்திருக்க  வைத்து சக்தி கிடைக்க செய்திருக்கிறார்கள். புராண கதைகளில் கூட பார்வதி தேவி கடும் விரதம் இருந்து சிவனின் உடலில் சரிபாதி பெற்றதாக கதைகள் உண்டு.அதாவது சிவமும் சிவமும் சக்தியும் இணையும் நாள் இதுவே.சிவசக்தி தத்துவம் நடக்கும் நாள். அதாவது சுழுமுனையில் சுவாசம் நன்றாக ஓடும் நாள் இந்த நாளில் பிரபஞ்சத்தில் இருந்து கிடைக்கும் சக்தியை சுழுமுனை நாடி வழியாக பரம்பொருள் இருக்கும் மூன்றாவது கண் பகுதிக்கு நேரடியாக கொண்டு செல்ல முடியும்.அதுவும் இயற்கையாகவே.அந்த அற்புதம் நடக்கும் நாள் இந்த மஹா சிவராத்திரி நாள் ஆகும்.  அன்று ஒரு ராத்திரி முதுகெலும்பு நேராக இருக்கும் படி நிமிர்ந்து இருக்க வேண்டும்.உள்முகமாக கவனித்து இருக்க வேண்டும். ஒவ்வொரு விஷயங்களுக்கு பின்னாலும் ஒப்பற்ற பிரபஞ்ச ரகசியத்தை ஒளித்து வாய்த்த நம் முன்னோர்களின் அறிவியலை அறிவை என்னென்று சொல்வது. நன்றி அன்புடன்  Dr போகர் வசீகரன்  போகர் சித்தாந்தசபை பழனி 9488008816

குருவே சரணம்.   🌷 குரு முத்திரை   ஆரம்ப கால கட்டத்தில் கல்வி முறைகள் என்பது குருகுலக்கல்வியை மூலமாக கொண்டது. குருகுலக்கல்வி என்பது மிகுந்த கட்டுப்பாடுகளுடன் சரியான பாதையில் சென்ற கல்வி முறை ஆகும். அந்த கல்வி முறையில் தகுதியானவர்கள் மட்டுமே வித்தைகளையும் ஞான ரகசியங்களையும் பெற முடியும். அவ்வாறு தகுதி அடைந்த பின்னர் வித்தைகளையும் ஞான ரகசியங்களையும் பெறும் போது ஞான குருவின் முன்னால் சீடர்களால் செய்யப்படும் முத்திரையே குரு முத்திரை ஆகும். இந்த முத்திரை செய்பவர்களுக்கு வித்தைகளும் பலிதமானது. இம்முத்திரை ஞான சத்திய முத்திரை எனவும் சொல்லப்படுவது உண்டு. அது என்ன? அந்த காலத்தில் குரு ஞான உபதேசங்களை உபதேசிக்க தகுதியான சீடர்களை தேர்ந்தெடுத்து தம் முன்னே அமர வைக்கும் போது இங்கே வார்த்தையை சற்று தெளிவாக கவனியுங்கள் தகுதியான சீடர்களை அமரவைக்கும் போது அந்த சீடர்கள் தன் குருவின் முன்னால் கைகட்டி வாய் பொத்தி அமர்ந்திருப்பர். இதற்கு பெயர்தான் குரு முத்திரை எனச்சொல்வார்கள். அதாவது சீடர்கள் தன் குருவை நோக்கி குருவே எமது கண்கள் உம்மையும் உமது அசைவுகளையும் மட்டுமே பார்க்கும் காதுகள் உமது வார்த்தைகளை மட்டுமே கேட்கும் என்று மானசீகமாக சத்தியம் செய்வதோடு மட்டுமல்லாது நீங்கள் உபதேசிக்கும் ஞான ரகசியங்களை சொல்லாலோ செயலாலோ குருவின் அனுமதி இன்றி யாருக்கும் பகிர மாட்டேன் என்று கைகளை கட்டிக்கொண்டும் வாயை பொத்திக்கொண்டும் மௌன சத்தியம் செய்வர். கண்களும் காதுகளும் மட்டும் குருவை நோக்கிய கவனத்தில் இருக்கும். கைகளும் வாயும் கட்டுப்படுத்தப்பட்ட நிலையில் இருக்கும். இதை சீடர்கள் மானசீகமாக குருவுக்கு உணர்த்தி கொடுப்பார்கள் .இது வித்தைகள் வெற்றி பெற சீடர்கள் செய்யும் முறை ஆகும். தகுதியுள்ள ஒருவரால் மட்டுமே இதை செய்யவும் முடியும். ஒரு வித்தை வெற்றி பெற குரு பணிவு மிக அவசியம். குரு முத்திரை மிகமிக அவசியம். அல்லாதோர்க்கு அது எவராயினும் சரி வித்தைகள் பலிக்காது. வித்தைகள் நீண்ட நாட்கள் நம்மோடு நிற்காது.  இது சத்தியமான உண்மை. பிரபஞ்சத்தின் அழியாத சட்டம். உணர்ந்து நடப்போம் உயர்வாய் இருப்போம். அன்புடன் Dr போகர் வசீகரன் போகர் சித்தாந்தசபை பழநி 9488008816